Seniorenfahrt der Gemeinden am 16.09.2021 nach Nordstrand

Pünktli weern de Busse vun de Fa. Grunert ut Husum to Steed. De Fohrer Sandoz Stolz un Oliver Heine fohrn um 12.30 Uhr mit de Fohrgäste los. Wi hebbt op mehrere Stell´n Strootenbuustelln umfohren muss. Ok eben vör Husum un dor sünd wi no Nordstrand affbogen.

In Odenbüll steegen de Reiseleiterin Fruu Hilke Erichsen un ehr Söhn in de Busse in. Bi de Inselrundfohrt hebbt se uns een barg vun de Geschichte un de Erlebnisse op Nordstrand vertellt. An den Hoven kunn wi een Blick över de Nordsee mooken un  Pellworm un den Südfall in de Fern sehn.

Dat meeste Geld op Nordstrand ward an den Tourismus verdeent. Süh, un schon weern wi to de Kaffeestunn am Norderhafen im Restaurant „ Zur Nordsee“. De Koken hett ganz lecker smeckt.

Wi fohrn dörch den Elisabeth – Sophien – Koog un an den Pharisäerkrog un dat domolige Anwesen vun P. Harry Carstensen vörbi. Op de Rüchfohrt hett Lisbeth Müller noch een poor Döntjes to´n Besten vörleest un de Gäste to´n Lachen bröcht.

De Abschluss vun düsse Fohrt weer im Landgasthof in Dörpling bi Kartöffelsolot, Würstchen un Frikadelle. Een Dank an de Organisatoren.

Elisabeth Müller