De Friedagnomeddag to dat Dörpsfest 2021
De Friedagnomeddag to dat Dörpsfest 2021
De Heimat- un Kulturvereen harr inlood un an düssen Nomeddag hebbt veele Lüüd sik op den Padden mookt. Oh, wat weer´n de Dische vun Elke un Annelie, ja, dat ganze Telt smuck mookt. De Servietten un de Blööm harrn de Farven vun uns Schleswig – Holstein Fohn. Blau, witt, rot. Schön afstimmt, good antosehn. Bit Andecken weern Karin un Lisbeth mit dorbi.
Na de Ansprook, Begröötung un de Dankeswöör an de ganze Crew, hett de Bürgermeester ut Dörpling, Volker Lorenzen, de Kaffeerunn frie geben. Bäcker Laabsch harr Fruchtschnitte mit een Sahnetuff leevert un op de Dische stunn´n Teller mit verscheedene Kekse. Weer allns lecker!
Ja, un mit Musik un Gesang hett de Grupp´ „Landlicht“ ut „Jonny´s Café“ in Norstedt uns ünnerholn. Se speelen un sungen flotte Leeder ut unsre „oolen Tieden“, schön to´n Mitsingen. De Lüüd weern vun de Musik dull begeistert.
Twischen dörch hett Evelyn un Kirsten vun de Musikgrupp uns mit lütte Geschichten un Döntjes to´n Lachen bröcht.
Un eh wi uns versehn, weer de musikalische Nomeddag to Enn. Düsse Dag hett uns een barg Freud mookt un wi künnt seggn, ok an een Nomeddag kann dat Dörpsfest beginn´n.
schreeben vun Elisabeth Müller
Weitere Bilder könnt ihr in der Bildergalerie ansehen.